Сиқырлы әлем айдаһар, феникс, сфинкс сияқты талай таңғажайып сиқырлы хайуанаттар мен тіршілік иелеріне толы екені бәрімізге аян. Бүкіл әлемге мәшһүр болған мақұлықтанушы, Нүт Саламандр жазған әйгілі кітабы әлдеқашан сиқыршылар қауымына таныс. Енді міне сәті түсіп магл оқырмандарға да жол тартты. Осы кітаптың бетінен Күлжылан несімен қауіпті, Бұзықкүзеннің тілі неге «ащы», жылтыр көрсе Тіміскі неге жолдан таяды, Тұншығыр мен Бүркеушіннің айырмашылығы не, Кентавр құбыжық па әлде саналы тіршілік иесі ме деген секілді талай қызықты сұрақтың жауабын тауып, сиқырлы мақұлықтардың шығу тегі мен олардың мекен еткен аймақтары жайлы бұған дейін беймәлім, тың мағлұматтар сізге ой азығы болады деген үміттеміз.